أكاد



( أكاد أرى الله عند نهاية حرف الواو فى كلمة هـــــــــو )

إبن عربى

الجمعة، 25 مارس، 2011

إعـــــــــــــــــــــــــــــــــــــــلان


مطلوب لشغل وظيفة رئيس جمهورية مصر العربية وذلك لفترة أربع سنوات فقط ويجب أن يتوفر فى المتقدم للوظيفة الشروط الآتية :
- أن يكون مصرى الجنسية
- لا يقل عمره عن أربعين سنة
- متزوج أو يقدس الحياة الزوجية
- قمحى اللون – عيونه عسلية – دمه خفيف
- يشجع الزمالك كما يشجع اللعبة الحلوة حتى لو كانت من واحد أهلاوى
- يجلس على القهوة ويدخن الشيشة
- يأكل فول وطعمية مضطراً ... ويتعامل مع الكباب و الكفتة بالإحترام اللائق
- يقبل رأس أمه ويد أبيه – ويدلل إخواته البنات
- يجلس يوم الجمعة مع أولاده فى البيت أو يزور حماته
- يتأثر بصوت عبد الباسط عبد الصمد أو الطبلاوى
- يعشق صوت أم كلثوم أو عبد الوهاب ويسمع عبد الحليم وفيروز
- يكون فى إيده صنعة علشان بعد أربع سنين يلاقى شغلانة ياكل منها عيش
- يكون معاه رخصة قيادة لزوم التقشف لأننا مش هنجيبله سواق
- يكون بيسمع الكلام ولما نقوله يمشى يمشى على طول وما يستعبطش
- ألا يكون إسمه معمر أو على صالح أو زين العابدين أو أى من اللى ما يتسموش
من يجد فى نفسه الكفاءة ويتحقق فيه جميع الشروط السابق ذكرها أن يتقدم حاملاً ما يثبت مؤهلاته
ولو إنى أشك فى توفر هذه الصفات فى أحد ... ولذلك فإنى أرشح نفسى على المبادئ التى وضعتها بنفسى ولنفسى .

القاهرة – 24 – 3 - 2011

هناك 6 تعليقات:

مصطفى الخطيب يقول...

وأنا أول من ينتخبك ياأبو حميد
بس تشوفلى منصب حلو وزير أو حتى رئيس وزرا متفرقش ههههههههههههه

احمد أبو العلا يقول...

طبعاً يا درش أمال الريس هيشيش مع مين
تحياتى

أيمن عبد العال يقول...

ياللا على البركة
الف مبروك يا ريس
بس ماتنساناش بقى فى حتة ارض صغيرة تيجى مليون متر كده على البحر ، او شركة كده على الماشى بتاعة حديد و للا اسمنت ،او حتى صفقة سلاح او طيارات

Zianour يقول...

مواصفات مثالية بس خد بالك الرياسة اصبحت هما كبيرا بس ربنا يوفقك
المهم نظرةللناس المغتربة يا ريس!!

ذو النون المصري يقول...

اكيد المواصفات دي عاملها حضرتك لنفسك لاني شايف ناس انتخبت خلاص
انا موافق
و يكون من شروطه
يكون له في الفن التشكيلي
و يقدره و يجيد تذوقه

احمد أبو العلا يقول...

بناء على رغبة الجماهير نعمل شوية فرامنات على الماشى:
1- حتة أرض كبيرة قوى لأبو آسر يزرع فيها حلاوة طحينية مبسوط ياعم
2- كل المصريين فى الخارج يرجعوا فوراًعلشان عايزينهم خصوصاً كل اللى إسمهم زيانور
3- تعيين الأخ ذو النون المصرى وزيراً للفن التشكيلى .
أهم حاجة إن شعبى الحبيب المهاود يبقى مبسوط